Puisi Purwakarta

Berikut Materi Puisi yang saya post silahkan copas dan sertakan referensinya supaya dapat bermanfaat dan bisa dipakai untuk semua jejang pendidikan khusunya di Purwakarta Istimewa. 

LEMBUR PURWAKARTA

Hujan nu ngaririncik mawa lamunan nu lawas katukang
Katembong lebah tanjakan tutuwuhan arajeg mapay ngajajar
Gunung nangtung bangun taya kasuwung
Sawah ngeplak lir ibarat permadani nungampar ngagelar
Breh ka beh kidul..

Walungan matak waas tetempoan
Tangkal kihurip ngareuy mapay dahan muncang sisi gawir
Bray ka belah kulon ngembloh satungtung panenjo
Kebon sabangsaning palawija selang sekar dipelakna
Tanah purwakarta tanah kahuripan
Lembur kuring panineungan

SITU WANAYASA

 

Iuh, iuh Situ Wanayasa
angin ulin dina embun-embunan
sawaktu-waktu kuring kudu nepungan
dumeh hirup halabhab cinta
di maranehna nya ayana

Aya sababna kuring tibelat
aya sababna kuring pegat
tapi nu ahir lain kaabadian
kakasih dina hate ngawih deui

Iuh, iuh Situ Wanayasa
nyata, nyata tanda-tanda
ngabalungbung jalan hirup
nepi ka nyawa rek asup
ka maranehna kuring rek balik
ka maranehna kuring rek pamit

SITU BULEUD KURING

Situ Buleud kuring..

nagri endah asri..

sugih cacah jiwa..

bahan lubak libuk..

sim kuring…tresna miwah nyaah

ka situ buleud pribadi

kuring suka…kuring betah

di purwakarta geusan ngajadi

Share this article :

Share on FB Tweet Share on G+ Submit to Digg